انتهت اجمل علاقة بلا وداع

((انتهت أجمل علاقة أبلا وداع))

انتهت أجمل علاقة أبلا وداع
جنها ما صارت ولا حبينه..
ذابت أحلام الصبا مثل الشموع
ونهدم جرفه ويبس شاطينه..
جان ظني العشرة صعبة وماتهون
واليحب يفدي اليحب ضي عينه..
أقرة بعيونج غزل وأحلى كلام
جان كَلبي لوعطش تروينه..
كَلتي أني وياك يكفينه القليل
وبيت مبني من كَصب يكفينه..
ولوبردنة أبليل لو ساعة نهار
كَلتي حبك نار ويدفينه..
لسة بخدودج اثر بوسة غرام
جنة بالملكَة نذوب اثنينه..

تالي غشاج الذهب باسم الزواج!

ولجلة كَلبج طاوعج تنسينة!
بعتي ذيج احلامنة وتعب السنين
جنها ما جانت علاقة ابينه!!
أنتي صح أبعيني جنتي أحلى البنات
وجنت أقدم كَلبي لو تردينه..
ثاري مخدوع اطلعت بيج وهويت
قطرة من دمعي فلا تسوينة..
أنتي طير وتايه أبنص الضباب
تالي يوكَع يسحل ابجنحينه..

تالي يوكَع يسحل ابجنحينه..
*****************

للشاعـــــــــــــــــر

جلال البطاط

» اجمل احساس
» سجل حضروكـ بكلمات اجمل اغنية حزينة مرت عليك