صح كلك حلـــــــــــــو ومتعجبــــه بيك الناس
وســـــــــــــرك هالبشـــر ما تكــــــدر تحمله

بس خل اسألك هـــــــــــــــذا الجمال امنين
حايـــــــــــــر كلي بيــــــه ورايـــــــــــد اندله

ما اكلك احبك خايــــــــــــــف انجـــــــن بيك
وينســــــــل عقلي بيــــــه ويشتهي الخله

ولا اريـــــــــــــد اعترف انـــــه اشكثر اهواك
لان طبع الي يحبـــــــــــــك شارد من اهله

وانـــــــــــه اهلي بجمالك شردو من ازمان
لـــــــو بس انـــــــــــه والله اوداعتك سهله

حامض يامه عنك كالـــــــــــت لدري العين
وتاهــــــــت بيك روحـــــــــــي ادور السله

بس كلبي اعله شوفك صار كومه شموع
كض دمعه واجالك رايــــــــــــــــد اتحن له

لان شاف الشمـــــس لجلك تبوس الكاع
مــــــــــــن ايمر خــــــــــيالك تختل ابضله

ولهذا الكمــــــــــر قــــــــــــرر يتوب اوياك
مد سجاد نجمــــــــــــــــه بشفتك وصله

انت اول شخـــــــص صفـــــــــوا الحلوين
وبعد انت توكـــــــــف خاطـــــــــر اتكمله

ماخذ دور حسنك انـــــــــــــت خادم بيك
لان ماكو بجمالك واحــــــــــــــــــد يمثله

لان كلك حلـــــــــــو حتى انت بيك اتغار
ولهذا الحسن بيك انجمــــــــــــــــع كله

وخل اضرب مثل مــــــــــن تضحك ابغداد
تخجل بالسفايف ضحكــــــــــــــت الحله
----------------------------

تحياتي