<TABLE border=0 cellSpacing=0 cellPadding=0 width="100%">
<TR>
<td class=hr colSpan=2></TD></TR>
<TR>
<td colSpan=2>[ندعوك للتسجيل في المنتدى أو التعريف بنفسك لمعاينة هذا الرابط]
----
[ندعوك للتسجيل في المنتدى أو التعريف بنفسك لمعاينة هذا الرابط]
السلام
عليكم بصورة مؤكدة و مرحبا لطفا ,, اليوم راح احجيلكم لمن اشتغلت فتاح فال
,, و اذا انتو تحجولي بعد احسن لان مابيه حيل اكتب صراحة ,, يلا اوكي اني
احجيلكم ,, بدة الموضوع انه ربة الصون و الجفاف , تفلة الوادي لملوم ,,
لازم يسوي عملية اتكلف 5 ورقات , و لوما ابو موصيني عليه قبل ما يتخبل جان
عفته بلا عملية بس مجبور التزم بيه , هو ما بي شي بس صار عنده ثقب غائص
بصماخة بعمق ثلث شبر مال واحد جفة جبير ,, كصاب مثلا , بنص جمجمتة من فوك
لانه نقار خشب اشتبه بي شجرة مال نبك و نكرة بمنكاره بصورة مطلقة ,, مدري
بصورة ملونة والله ما اعرف ,, و اذا ما سويتلة العملية الثقف ,, قصدي
الثقب (يا ثقف؟) ايفرخ و جسمة يتزرف و لملوم ينكلب شطافة 2 سليندر بس يشرب
مي ,او ينكلب سفنجة و يكومون يمسحون بي الميوزة بستي سنتر و اني كرامتي ما
ترضة ينكال عليه مصادق سفنجة , عال اقل ليفة بيها مجال لان تتسع لصابونة و
يفضل ان تكون ام الريحة , و اذا بقة لملوم امزرف احتمال يحوروه جفجير او
شي مفيد و اني ما اريد صاحبي ايجفجروه , لهذا و بسبب ما ذكر فوقا ,, قررت
اشتغل فتاح فال fal opener ,, حتى الم فلوس و اسويلة عملية ,, او افرمته و
افضها ,,
رحت لنقابة فتاح فالية FOU Fal Openers Union سويت عضوية ,, و انطوني
كارت و اصبحت فتاح فال مساعد ,, و كلولي اذا تنصب على 100 واحد انرقيك ,,
مو انخليك اتبيع رقي و انما انرقيك نرفع من درجتك انسويك فتاح فال برتبة
سحار ركن ,
نقيب الفتاح فالية وهو دينطيني الهوية مال عضوية,, ضرب على جتفي بيده و وجهلي نظرة شافطة و كلي :
- ابني ,, فتاح الفال لازم يكون صادق بتعاملة وية العالم ,, لا اتجذب
أبد ,, قشمر اي ,, لا تحتال عال عالم ,, انصب عليهم ممكن ,, لا اتغش
العالم ,, اضحك عليهم بيها مجال ,, و اهم شي لا اتبسط بنفس المكان مرتين
حتى لا ايصير بيك مثل ما صار بميمون
- ليش ميمون شصار من بسط بنفس المكان مرتين ؟ اكيد طك
- لا ابني مو هوة اللي طك
- لعد منو؟
- عبوة جانت بصفة ,, و هسة دا انجمع بي و صار عدنة نص ياخة و اظفر اصبع
رجله الجبير ,, اكيد اليسرة لان رجلة اليمنة انكطمت لان جان مبسط هم مرتين
بمكان ,, و هسة راح اندفنة بنصب فتاح الفال المجهول ,
أستفاديت من هاي النصايح ,, و جبت زميج و سمدت خدودي بحيث لحيتي ب 3
ايام وصلت لبطني قصدي الكرشي طلعت جني حكيم الاقزام الله يذكره بالخير ,,
و جبت سبحة 44 راكب هلكد ما طويلة اخذت نصها و الباقي فصلته حزام , كلش
جبيره لعبت حديد اسبوع يلا كدرت اسبح بيها , و جبت قلايد و قوايش عتيكة
فوك المبردة مشمورة و لبستها و اوراق و قلم اكتب بيها تعاويذ مثلا " لا
تسرع يا بابا فنحن لسنا بانتظارك لان احنة وياك بالسيارة " و " من جد وجد
و من بيبية هم وجد قابل وحد" و " جكارة باليد خير من تكة على الجمبر" و من
هال سوالف و بديت اشتغل ,, لملوم وكفته بصفي و علكت قطعة مكتوب عليها ,,
(للتحدث مع الجني يرجى الضغط على الرقم خشمه .. لطلب خاص من الجني ,, يرجى
الضغط على الرقم اذنه اليمنة ,, مستعدون لتوصيل الجني الى المنازل بس انتو
رجعو لان مطفي و خاف ايتيه مني الكاه بطريبيل واصل ) لملوم زينتة صفر طلع
راسه جنة كاشيه توهم ماسحيها بقوة جالفة ,و علكت بفتحة خشمة خنينة
اصطناعية كتبت عليها Made In England , حتى لحد يكلي تستعمل جني صيني يحمة
بسرعة او شي ,, و لبسته فانيلة و شورت ابيض باصفر طلع جنة موزة خايسة ,, و
بوتين ابو السحاب و جواريب ابيض بأحمر واصلة لصدره ,,
و بدأت الأحداث ,, و اول حالة اجتني ,, عزززة !! خلتني صدك ازوع مكرشين صغار اول ما شفتها ,, لأنه ,,,
هاي اول حالة جتني ,, حالة صلبة كلش كلش ,,
- مرحبا عيني ,,
- حنتميس شايل درنفيس زارف بي القميص ,, يفطر الجمعة و يصوم الخميس ,,
برررررم ,, كولي شعندج ماطول الجني توني امفولة من ابو اقلام يعني بعدة
نشط
- عيني اني احب واحد و اريده يحبني
باوعت على الكائن الحي اللي اجتني ,, وحدة مالها اي علاقة بكونها امراة
,, عبارة عن كوكب زحل مصغريه بالسكانر و مدعبلي الي ,, اضرب نصف قطرها 3
مرات في النسبة الثابته يطلع وزنها بالريختر ,, لان فقرة الاطنان
متجاوزتها ,,
- اختي انتي يرادلج على هال حجم 587 واحد يحبج ,, تريد واحد يحبج كلج ؟؟ هو بس خشمج يرادله 12 واحد يتزوجه يلا ايكفي
زين هاي شراح اكللها ؟ الشرع حلل للرجال يتزوج 4 ,, و هاي 23وحدها ,,
شرعا حرام ,, بس خشمها اكدر احط بي هدومي الشتوية كلها هلكد ما جبير ,
اصبع رجلها الجبير شوية اصغر من راس صاحبي فرطوس ,,
لملوم سوة صوت طرريييييييييق و سكت و وراها بع بع بع همم
- عيني الجني شبيه راح يزوع؟؟
- اختي شنو يزوع اكو جني يزوع ,, اني مو كتلج امفوله من ابو اقلام ؟
- أي لعد شبيه؟
- كام ايدك أدفانس عادي ماكو مشكلة هسة ارسته و يرجع يشتغل ,, بس دقيقة
اجيك الحبل اللي رابطة بيه مو هذا يفقد الذاكرة و يسرح مني , مرة ضاع مني
و فقد الذاكرة لكيتة بالحبانية طالع سفرة وية جماعته مع انه كلي رايح اعبر
الشارع اشتري باكيت تايد ,,
ارجع و اكول هاي شسويلها ؟؟؟ تالي أجتني فكرة ,, و هي انه ,,,
ممممممممممممممم
- أختي أتبعي هاي الخطوات ,, روحي لشارع المتنبي أشتري كتاب (الالفة و
العشرة في تجفيت الجوزة ام ال عشرة) لصاحبه ابو نتلة الكهربائي ,, اتشكين
صفحة 13 من الكتاب و ذبيها بالزبل ,, و لازم الزبل من هاي السلات
البلاستيك ,, و اتشكين صفحة 217 من الكتاب و تسويها صاروخ و تشمريها 3
مترات و من توكع بالكاع توفكين فوكاها و تهلهلين 5 دقايق ,, يستحسن انه
اتسدين الشبابيج حتى لحد من الجوارين يشوفج و يطلع الموبايل و يدز مس كول
لمستشفى الشماعية ,, وين وصلنا ؟؟؟
- للهلهولة
- ليش خير عدكم خطوبة؟؟
- شنو؟؟
- لا هيج العفو نسيت ,, وراها تاخذين الورقة من الكاع و تكتبين عليها
اسم حبيبج و اسم امه و رقم الشاصي مال سيارتهم ,, و رقم السيريال مال
اوفيس 2003 و "اني سمينة و 24 ساعة اكل هريسة" 1234 مرة و ورة 3 ايام راح
تسمعين دقا على الباب ,,,
- عال باب؟؟؟؟ يعني حبيبي راح يجي
- لا بابا هذا ابو الكهرباء راح يجيبلكم قائمة الكهرباء ,,
- و شسوي لقائمة الكهرباء
- أنتخبيها !!!
طبعا
الكائن الحي البدين هدد انه اذا ما خلينا حبيبيها ايحبها الا تكعد على
لملوم اتسويه دي في دي 9 كيكا ام الككو,, و كعدت اتصيح و اتخنفر , عاد
قنعناها بالكوة انه حبيبها راح يجي يخطبها و يقدملها نيشان ,, ولو هاي ما
يرهم وياها بس نيشان لان xxxxl لازم نيشان و ايار و حزيران و 4 ايام من
تموز ,,
اما اللي اجتني هسة فشي مو طبيعي ,, وحدة طويلة طويلة طويلة ,, اني
عبالي اني اتمشيت بلا ما ادري بقوة دفع الهواء ووصلت لناطحة القمر ,, لان
حتى السحاب قليل بحقها , تالي طلع انه ما حدث انه هية جتني ,,
- مرحباااااااااااااااااا ,, صوتي واصل فوك ؟؟؟ لو اتحبين اخابرج ؟؟؟
ترة ورة اللوزتين اللي بالطابق السابع مدا اشوف شي منج ,, ممكن اتنزلين من
السطح؟
- لك يا سطح يا لوزتين ,, اريد الجني ايكصرني ,,
باوعت على لملوم ,, هزلي راسه بالموافقة
- جني مكلف لملوم ,, مثل مدا اتشوف الاخت طويلة كلش ,, حوالي 4 ساعات و
ربع ,, انريدك اتسويها طول طبيعي ,, و نلغي شغلة انه كلمن يريد يسلم عليها
لازم يجيب درج صباغين وياه ..,
لملوم خنفر بخشمه و افتر داير مداير روحة و سوة صوت موسيقى يشبه الوندوز اول ما ايحمل ,, و كال بصوت متريع بصورة شفافة
" اهلا بكم في خدمات شركة لملوم جني انتر ناشيونال و انتر ميلان ,,
لتحويل رصيد الى جني اخر يرجى الضغط على مربع و يفضل ان يكون 4 اضلاع ,,
لتغيير اللغة لا ادوس شي لان ماكو غير عربي ل ,,, "
- أشو طفه ؟؟
- خلص شحن أختي ,, هسة اشحنة و انكمل ,, بس عال عموم انتي عندج خوات ؟؟
- لا
- لعد اكصج بالنص و اتصيرون 2 ,, انتي راس و بطن و اختج رجلين وقسمو
الشغل بيناتكم اذا احد يريد يحجي وياكم انتي اتطلعيله ,, اذا محتاجين
تنورة اختج تروح و هكذا او جيبي ذيل فار يشجع ريال مدريد و سن عقل مال
هدهد يشجع ريال مدريد و شعراية طويلة من شعر كرار جاسم و تغليها بجدر نصف
قطره شبر و يفضل انه يكون سائل الغلي ماء (اي لعد العالم ببيش اتفور
بالميرندا؟؟) و اما لو في حالة اذا ما فادت ,,
- اي؟
- اذا ما فادت
- اي؟
شتكولون يا شباب شكللها ؟؟؟
</TD></TR></TABLE> |
B@ghDaDღ وقائد علميات ذيج الصفحة هيسوكا
المزاج
الإثنين نوفمبر 15, 2010 7:35 pm