هذه قصيده من قصائد المبدع سمير صبيح ( عنوان القصيده _ اتكلي اكتبلي غزل عن البنات )
اكتبلي غزل عن البنات ...
ياترافه تريدهه بشعري تبات
يكلي شعرك ليش اهات ودموع
انته حقك ماشفت خط الشروع
انته ساعه سين تعرفهه شتلوع
تعرف الغايه تعرف الهاونات
اتكلي اكتبلي غزل عن البنات
....
شعري فك عينه لكه كباله نطاق
بندقيه و سفر وحب للعراق
حبله وحده والمواعيد التحاق
جان موعدنا بساحة عارضات
اتكلي اكتبلي غزل عن البنات
....
شريد اغازل جارتنا ام ثوب الوحيد
ليش اتكلبه حتى يبين جديد
تنتبه البالها بالهم شديد
خدود صفره شلون اكول موردات
اتكلي اكتبلي غزل عن البنات
....
مره كتلهه احبج شو بجت
اني خايف لا روحي اتجاوزت
طلعت خطيه عدها الحصه أتأخرت
دعوفني ياحب ياذكريات
اتكلي اكتبلي غزل عن البنات
....
تريدني اكتب على الغزل والغي العناء
اني سبع سنين كاضيها بحذاء
هدومي طلبه ذاك من ذاك الشراء
مو فضل مني او عايش بهل حياة
واتكلي اكتبلي غزل عن البنات
....
عدنه ليلى تبيع بالوكفه دهن
وقيس عماله يجد بس عل البطن
ومن سألت جوليت كالت بالسجن
روميو تعبان بايك تايرات
اتكلي اكتبلي غزل عن البنات
....
خل يحجيلك دمع عينه اليسيل
وعن بثينه شتريد احجيلك قليل
عدهه سبع اطفال صارو من جميل
كلهم يجدون بالشارع حفات
اتكلي اكتبلي غزل عن البنات
....
يمعود دعوفني ياغزل ياذكريات
يمعود دعوفني ياغزل ياذكريات
B@ghDaDღ وقائد علميات ذيج الصفحة هيسوكا
الأحد نوفمبر 21, 2010 11:07 pm
المزاج